Sri Hari Sharana Ashtakam in telugu
ధ్యేయం వదన్తి శివమేవ హి కేచిదన్యే
శక్తిం గణేశమపరే తు దివాకరం వై |
రూపైస్తు తైరపి విభాసి యతస్త్వమేవ
తస్మాత్త్వమేవ శరణం మమ శఙ్ఖపాణే || ౧ ||
నో సోదరో న జనకో జననీ న జాయా
నైవాత్మజో న చ కులం విపులం బలం వా |
సందృశ్యతే న కిల కోఽపి సహాయకో మే
తస్మాత్త్వమేవ శరణం మమ శఙ్ఖపాణే || ౨ ||
నోపాసితా మదమపాస్య మయా మహాన్త-
-స్తీర్థాని చాస్తికధియా నహి సేవితాని |
దేవార్చనం చ విధివన్న కృతం కదాపి
తస్మాత్త్వమేవ శరణం మమ శఙ్ఖపాణే || ౩ ||
దుర్వాసనా మమ సదా పరికర్షయన్తి
చిత్తం శరీరమపి రోగగణా దహన్తి |
సఞ్జీవనం చ పరహస్తగతం సదైవ
తస్మాత్త్వమేవ శరణం మమ శఙ్ఖపాణే || ౪ ||
పూర్వం కృతాని దురితాని మయా తు యాని
స్మృత్వాఖిలాని హృదయం పరికమ్పతే మే |
ఖ్యాతా చ తే పతితపావనతా తు యస్మా-
-త్తస్మాత్త్వమేవ శరణం మమ శఙ్ఖపాణే || ౫ ||
దుఃఖం జరాజననం వివిధాశ్చ రోగాః
కాకశ్వసూకర జనిర్నిచయే చ పాతః |
తే విస్మృతేః ఫలమిదం వితతం హి లోకే
తస్మాత్త్వమేవ శరణం మమ శఙ్ఖపాణే || ౬ ||
నీచోఽపి పాపవలితోఽపి వినిన్దితోఽపి
బ్రూయాత్తవాహమితి యస్తు కిలైకవారమ్ |
తం యచ్ఛసీశ నిజలోకమితి వ్రతం తే
తస్మాత్త్వమేవ శరణం మమ శఙ్ఖపాణే || ౭ ||
వేదేషు ధర్మవచనేషు తథాగమేషు
రామాయణేఽపి చ పురాణకదంబకే వా |
సర్వత్ర సర్వవిధినా గదితస్త్వమేవ
తస్మాత్త్వమేవ శరణం మమ శఙ్ఖపాణే || ౮ ||
ఇతి శ్రీపరమహంసస్వామి బ్రహ్మానన్దవిరచితం శ్రీహరిశరణాష్టకం |
telugu devotional songs,srihari sarana ashtakam in telugu,srihari sarana ashtakam telugu,srihari sarana ashtakam,srihari sarana ashtakam telugu with lyrics,narasimha satakam padyalu in telugu,telugu bhakti songs,devotional songs telugu,telugu bhakti geetalu,nityanandakari lyrics in telugu,runa vimochana angaraka stotram in telugu,nityanandakari varabhayakari lyrics in telugu,hari sharanam ashtakam,venkateswara saranagathi stotram in telugu
