Sri Shiva Keshava Stuti lyrics in hindi

Sri Shiva Keshava Stuti lyrics in hindi

Sri Shiva Keshava Stuti in hindi

images 2023 12 20T122507.211 3

ध्यानम् ।
माधवोमाधवावीशौ सर्वसिद्धिविहायिनौ ।
वन्दे परस्परात्मानौ परस्परनुतिप्रियौ ॥

स्तोत्रम् ।
गोविन्द माधव मुकुन्द हरे मुरारे
शम्भो शिवेश शशिशेखर शूलपाणे ।
दामोदराऽच्युत जनार्दन वासुदेव
त्याज्याभटाय इति सन्ततमामनन्ति ॥ १

गङ्गाधरान्धकरिपो हर नीलकण्ठ
वैकुण्ठकैटभरिपो कमठाब्जपाणे ।
भूतेश खण्डपरशो मृड चण्डिकेश
त्याज्याभटाय इति सन्ततमामनन्ति ॥ २

विष्णो नृसिंह मधुसूदन चक्रपाणे
गौरीपते गिरिश शङ्कर चन्द्रचूड ।
नारायणाऽसुरनिबर्हण शार्ङ्गपाणे
त्याज्याभटाय इति सन्ततमामनन्ति ॥ ३

मृत्युञ्जयोग्र विषमेक्षण कामशत्रो
श्रीकण्ठ पीतवसनाम्बुदनीलशौरे ।
ईशान कृत्तिवसन त्रिदशैकनाथ
त्याज्याभटाय इति सन्ततमामनन्ति ॥ ४

लक्ष्मीपते मधुरिपो पुरुषोत्तमाद्य
श्रीकण्ठ दिग्वसन शान्त पिनाकपाणे ।
आनन्दकन्द धरणीधर पद्मनाभ
त्याज्याभटाय इति सन्ततमामनन्ति ॥ ५

सर्वेश्वर त्रिपुरसूदन देवदेव
ब्रह्मण्यदेव गरुडध्वज शङ्खपाणे ।
त्र्यक्षोरगाभरण बालमृगाङ्कमौले
त्याज्याभटाय इति सन्ततमामनन्ति ॥ ६

श्रीराम राघव रमेश्वर रावणारे
भूतेश मन्मथरिपो प्रमथाधिनाथ ।
चाणूरमर्दन हृषीकपते मुरारे
त्याज्याभटाय इति सन्ततमामनन्ति ॥ ७

शूलिन् गिरीश रजनीशकलावतंस
कंसप्रणाशन सनातन केशिनाश ।
भर्ग त्रिनेत्र भव भूतपते पुरारे
त्याज्याभटाय इति सन्ततमामनन्ति ॥ ८

गोपीपते यदुपते वसुदेवसूनो
कर्पूरगौर वृषभध्वज फालनेत्र ।
गोवर्धनोद्धरण धर्मधुरीण गोप
त्याज्याभटाय इति सन्ततमामनन्ति ॥ ९

स्थाणो त्रिलोचन पिनाकधर स्मरारे
कृष्णाऽनिरुद्ध कमलाकर कल्मषारे ।
विश्वेश्वर त्रिपथगार्द्रजटाकलाप
त्याज्याभटाय इति सन्ततमामनन्ति ॥ १०

अष्टोत्तराधिकशतेन सुचारुनाम्नां
सन्धर्भितां ललितरत्नकदम्बकेन ।
सन्नामकां दृढगुणां द्विजकण्ठगां यः
कुर्यादिमां स्रजमहो स यमं न पश्येत् ॥ ११

इति यमकृत श्री शिवकेशव स्तुति ।

shiva keshava stuti,shiva keshava songs,shiva keshava swamy,shiva keshava namalu,shiva keshava stotram,shiva kesava stuti,lord shiva songs,shiva kesava song,shiva keshava stuti in telugu,shiva kesava geetam,yama kruta shiva keshava stuti,shiva keshava stotram in telugu,yama kruta shiva keshava stuti song,yama kruta shiva keshava stuti in sanskrit,yama kruta shiva keshava stuti stotram,yamakrutha shiva keshava stiti,yama kruta shiva keshava stuti in telugu

Comments

No comments yet. Why don’t you start the discussion?

Leave a Reply

Your email address will not be published. Required fields are marked *