Yamuna Ashtakam 2 lyrics in kannada
ಕೃಪಾಪಾರಾವಾರಾಂ ತಪನತನಯಾಂ ತಾಪಶಮನೀಂ
ಮುರಾರಿಪ್ರೇಯಸ್ಯಾಂ ಭವಭಯದವಾಂ ಭಕ್ತಿವರದಾಮ್ |
ವಿಯಜ್ಜ್ವಾಲೋನ್ಮುಕ್ತಾಂ ಶ್ರಿಯಮಪಿ ಸುಖಾಪ್ತೇಃ ಪರಿದಿನಂ
ಸದಾ ಧೀರೋ ನೂನಂ ಭಜತಿ ಯಮುನಾಂ ನಿತ್ಯಫಲದಾಮ್ || ೧ ||
ಮಧುವನಚಾರಿಣಿ ಭಾಸ್ಕರವಾಹಿನಿ ಜಾಹ್ನವಿಸಂಗಿನಿ ಸಿಂಧುಸುತೇ
ಮಧುರಿಪುಭೂಷಣಿ ಮಾಧವತೋಷಿಣಿ ಗೋಕುಲಭೀತಿವಿನಾಶಕೃತೇ |
ಜಗದಘಮೋಚಿನಿ ಮಾನಸದಾಯಿನಿ ಕೇಶವಕೇಲಿನಿದಾನಗತೇ
ಜಯ ಯಮುನೇ ಜಯ ಭೀತಿನಿವಾರಿಣಿ ಸಂಕಟನಾಶಿನಿ ಪಾವಯ ಮಾಮ್ || ೨ ||
ಅಯಿ ಮಧುರೇ ಮಧುಮೋದವಿಲಾಸಿನಿ ಶೈಲವಿದಾರಿಣಿ ವೇಗಪರೇ
ಪರಿಜನಪಾಲಿನಿ ದುಷ್ಟನಿಷೂದಿನಿ ವಾಂಛಿತಕಾಮವಿಲಾಸಧರೇ |
ವ್ರಜಪುರವಾಸಿಜನಾರ್ಜಿತಪಾತಕಹಾರಿಣಿ ವಿಶ್ವಜನೋದ್ಧರಿಕೇ
ಜಯ ಯಮುನೇ ಜಯ ಭೀತಿನಿವಾರಿಣಿ ಸಂಕಟನಾಶಿನಿ ಪಾವಯ ಮಾಮ್ || ೩ ||
ಅತಿವಿಪದಂಬುಧಿಮಗ್ನಜನಂ ಭವತಾಪಶತಾಕುಲಮಾನಸಕಂ
ಗತಿಮತಿಹೀನಮಶೇಷಭಯಾಕುಲಮಾಗತಪಾದಸರೋಜಯುಗಮ್ |
ಋಣಭಯಭೀತಿಮನಿಷ್ಕೃತಿಪಾತಕಕೋಟಿಶತಾಯುತಪುಂಜತರಂ
ಜಯ ಯಮುನೇ ಜಯ ಭೀತಿನಿವಾರಿಣಿ ಸಂಕಟನಾಶಿನಿ ಪಾವಯ ಮಾಮ್ || ೪ ||
ನವಜಲದದ್ಯುತಿಕೋಟಿಲಸತ್ತನುಹೇಮಭಯಾಭರರಂಜಿತಕೇ
ತಡಿದವಹೇಲಿಪದಾಂಚಲಚಂಚಲಶೋಭಿತಪೀತಸುಚೇಲಧರೇ |
ಮಣಿಮಯಭೂಷಣಚಿತ್ರಪಟಾಸನರಂಜಿತಗಂಜಿತಭಾನುಕರೇ
ಜಯ ಯಮುನೇ ಜಯ ಭೀತಿನಿವಾರಿಣಿ ಸಂಕಟನಾಶಿನಿ ಪಾವಯ ಮಾಮ್ || ೫ ||
ಶುಭಪುಲಿನೇ ಮಧುಮತ್ತಯದೂದ್ಭವರಾಸಮಹೋತ್ಸವಕೇಲಿಭರೇ
ಉಚ್ಚಕುಲಾಚಲರಾಜಿತಮೌಕ್ತಿಕಹಾರಮಯಾಭರರೋದಸಿಕೇ |
ನವಮಣಿಕೋಟಿಕಭಾಸ್ಕರಕಂಚುಕಿಶೋಭಿತತಾರಕಹಾರಯುತೇ
ಜಯ ಯಮುನೇ ಜಯ ಭೀತಿನಿವಾರಿಣಿ ಸಂಕಟನಾಶಿನಿ ಪಾವಯ ಮಾಮ್ || ೬ ||
ಕರಿವರಮೌಕ್ತಿಕನಾಸಿಕಭೂಷಣವಾತಚಮತ್ಕೃತಚಂಚಲಕೇ
ಮುಖಕಮಲಾಮಲಸೌರಭಚಂಚಲಮತ್ತಮಧುವ್ರತಲೋಚನಿಕೇ |
ಮಣಿಗಣಕುಂಡಲಲೋಲಪರಿಸ್ಫುರದಾಕುಲಗಂಡಯುಗಾಮಲಕೇ
ಜಯ ಯಮುನೇ ಜಯ ಭೀತಿನಿವಾರಿಣಿ ಸಂಕಟನಾಶಿನಿ ಪಾವಯ ಮಾಮ್ || ೭ ||
ಕಲರವನೂಪುರಹೇಮಮಯಾಚಿತಪಾದಸರೋರುಹಸಾರುಣಿಕೇ
ಧಿಮಿಧಿಮಿಧಿಮಿಧಿಮಿತಾಳವಿನೋದಿತಮಾನಸಮಂಜುಲಪಾದಗತೇ |
ತವ ಪದಪಂಕಜಮಾಶ್ರಿತಮಾನವಚಿತ್ತಸದಾಖಿಲತಾಪಹರೇ
ಜಯ ಯಮುನೇ ಜಯ ಭೀತಿನಿವಾರಿಣಿ ಸಂಕಟನಾಶಿನಿ ಪಾವಯ ಮಾಮ್ || ೮ ||
ಭವೋತ್ತಾಪಾಂಭೋಧೌ ನಿಪತಿತಜನೋ ದುರ್ಗತಿಯುತೋ
ಯದಿ ಸ್ತೌತಿ ಪ್ರಾತಃ ಪ್ರತಿದಿನಮನನ್ಯಾಶ್ರಯತಯಾ |
ಹಯಾಹ್ರೇಷೈಃ ಕಾಮಂ ಕರಕುಸುಮಪುಂಜೈ ರವಿಸುತಾಂ
ಸದಾ ಭೋಕ್ತಾ ಭೋಗಾನ್ಮರಣಸಮಯೇ ಯಾತಿ ಹರಿತಾಮ್ || ೯ ||
yamuna ashtakam,yamuna ashtakam in gujarati,kannada,kannada devotional songs,kannada devi songs,slokas in kannada,kannada bhakthi geethegalu,ganesh shlokas in kannada,annapoorna ashtakam,yamunashtak in gujarati,god shiva songs in kannada,yamuna ashtak,yamuna ashtakam stotram,lord shiva songs in kannada,kannada movies,navarathri pooja in kannada,slokas and mantras in kannada,slokas in kannada with lyrics,navadurga kannada songs
