Ganga stotram lyrics in kannada

Ganga stotram lyrics in kannada

ದೇವಿ ಸುರೇಶ್ವರಿ ಭಗವತಿ ಗಂಗೇ
ತ್ರಿಭುವನತಾರಿಣಿ ತರಳತರಂಗೇ |
ಶಂಕರಮೌಳಿವಿಹಾರಿಣಿ ವಿಮಲೇ
ಮಮ ಮತಿರಾಸ್ತಾಂ ತವ ಪದಕಮಲೇ || ೧ ||

ಭಾಗೀರಥಿಸುಖದಾಯಿನಿ ಮಾತ-
-ಸ್ತವ ಜಲಮಹಿಮಾ ನಿಗಮೇ ಖ್ಯಾತಃ |
ನಾಹಂ ಜಾನೇ ತವ ಮಹಿಮಾನಂ
ಪಾಹಿ ಕೃಪಾಮಯಿ ಮಾಮಜ್ಞಾನಮ್ || ೨ ||

ಹರಿಪದಪಾದ್ಯತರಂಗಿಣಿ ಗಂಗೇ
ಹಿಮವಿಧುಮುಕ್ತಾಧವಳತರಂಗೇ |
ದೂರೀಕುರು ಮಮ ದುಷ್ಕೃತಿಭಾರಂ
ಕುರು ಕೃಪಯಾ ಭವಸಾಗರಪಾರಮ್ || ೩ ||

ತವ ಜಲಮಮಲಂ ಯೇನ ನಿಪೀತಂ
ಪರಮಪದಂ ಖಲು ತೇನ ಗೃಹೀತಮ್ |
ಮಾತರ್ಗಂಗೇ ತ್ವಯಿ ಯೋ ಭಕ್ತಃ
ಕಿಲ ತಂ ದ್ರಷ್ಟುಂ ನ ಯಮಃ ಶಕ್ತಃ || ೪ ||

ಪತಿತೋದ್ಧಾರಿಣಿ ಜಾಹ್ನವಿ ಗಂಗೇ
ಖಂಡಿತಗಿರಿವರಮಂಡಿತ ಭಂಗೇ |
ಭೀಷ್ಮಜನನಿ ಹೇ ಮುನಿವರಕನ್ಯೇ
ಪತಿತನಿವಾರಿಣಿ ತ್ರಿಭುವನಧನ್ಯೇ || ೫ ||

ಕಲ್ಪಲತಾಮಿವ ಫಲದಾಂ ಲೋಕೇ
ಪ್ರಣಮತಿ ಯಸ್ತ್ವಾಂ ನ ಪತತಿ ಶೋಕೇ |
ಪಾರಾವಾರವಿಹಾರಿಣಿ ಗಂಗೇ
ವಿಮುಖಯುವತಿಕೃತತರಳಾಪಾಂಗೇ || ೬ ||

ತವ ಚೇನ್ಮಾತಃ ಸ್ರೋತಃ ಸ್ನಾತಃ
ಪುನರಪಿ ಜಠರೇ ಸೋಽಪಿ ನ ಜಾತಃ |
ನರಕನಿವಾರಿಣಿ ಜಾಹ್ನವಿ ಗಂಗೇ
ಕಲುಷವಿನಾಶಿನಿ ಮಹಿಮೋತ್ತುಂಗೇ || ೭ ||

ಪುನರಸದಂಗೇ ಪುಣ್ಯತರಂಗೇ
ಜಯ ಜಯ ಜಾಹ್ನವಿ ಕರುಣಾಪಾಂಗೇ |
ಇಂದ್ರಮುಕುಟಮಣಿರಾಜಿತಚರಣೇ
ಸುಖದೇ ಶುಭದೇ ಭೃತ್ಯಶರಣ್ಯೇ || ೮ ||

ರೋಗಂ ಶೋಕಂ ತಾಪಂ ಪಾಪಂ
ಹರ ಮೇ ಭಗವತಿ ಕುಮತಿಕಲಾಪಮ್ |
ತ್ರಿಭುವನಸಾರೇ ವಸುಧಾಹಾರೇ
ತ್ವಮಸಿ ಗತಿರ್ಮಮ ಖಲು ಸಂಸಾರೇ || ೯ ||

ಅಲಕಾನಂದೇ ಪರಮಾನಂದೇ
ಕುರು ಕರುಣಾಮಯಿ ಕಾತರವಂದ್ಯೇ |
ತವ ತಟನಿಕಟೇ ಯಸ್ಯ ನಿವಾಸಃ
ಖಲು ವೈಕುಂಠೇ ತಸ್ಯ ನಿವಾಸಃ || ೧೦ ||

ವರಮಿಹ ನೀರೇ ಕಮಠೋ ಮೀನಃ
ಕಿಂ ವಾ ತೀರೇ ಶರಟಃ ಕ್ಷೀಣಃ |
ಅಥವಾ ಶ್ವಪಚೋ ಮಲಿನೋ ದೀನ-
-ಸ್ತವ ನ ಹಿ ದೂರೇ ನೃಪತಿಕುಲೀನಃ || ೧೧ ||

ಭೋ ಭುವನೇಶ್ವರಿ ಪುಣ್ಯೇ ಧನ್ಯೇ
ದೇವಿ ದ್ರವಮಯಿ ಮುನಿವರಕನ್ಯೇ |
ಗಂಗಾಸ್ತವಮಿಮಮಮಲಂ ನಿತ್ಯಂ
ಪಠತಿ ನರೋ ಯಃ ಸ ಜಯತಿ ಸತ್ಯಮ್ || ೧೨ ||

ಯೇಷಾಂ ಹೃದಯೇ ಗಂಗಾಭಕ್ತಿ-
-ಸ್ತೇಷಾಂ ಭವತಿ ಸದಾ ಸುಖಮುಕ್ತಿಃ |
ಮಧುರಾಕಾಂತಾ ಪಂಝಟಿಕಾಭಿಃ
ಪರಮಾನಂದಕಲಿತಲಲಿತಾಭಿಃ || ೧೩ ||

ಗಂಗಾಸ್ತೋತ್ರಮಿದಂ ಭವಸಾರಂ
ವಾಂಛಿತಫಲದಂ ವಿಮಲಂ ಸಾರಮ್ |
ಶಂಕರಸೇವಕಶಂಕರರಚಿತಂ
ಪಠತಿ ಸುಖೀ ಸ್ತವ ಇತಿ ಚ ಸಮಾಪ್ತಃ || ೧೪ ||

ಇತಿ ಶ್ರೀಮಚ್ಛಂಕರಾಚಾರ್ಯ ಕೃತಂ ಶ್ರೀ ಗಂಗಾ ಸ್ತೋತ್ರಮ್ |

ganga stotram,ganga stotra,ganga stotram kannada,ganga mantra in kannada,ganga ashtottara in kannada,ganga mantra in hindi,ganga ashtottara shatanamavali in kannada,ganga,ganga stotram lyrics in telugu,ganga gayatri mantra,shiva stotram,ganga astottara kannada,ganga mantra,gangecha sloka in kannada,sri ganga stotram,ganga ashtottara shatanamavali,shri ganga stotram,ganga devi stotram,ganga songs kannada,vishnu sahasra naama in kannada