April 24, 2024

Ganga stotram lyrics in telugu

images 55

దేవి సురేశ్వరి భగవతి గంగే
త్రిభువనతారిణి తరళతరంగే |
శంకరమౌళివిహారిణి విమలే
మమ మతిరాస్తాం తవ పదకమలే || ౧ ||

భాగీరథిసుఖదాయిని మాత-
-స్తవ జలమహిమా నిగమే ఖ్యాతః |
నాహం జానే తవ మహిమానం
పాహి కృపామయి మామజ్ఞానమ్ || ౨ ||

హరిపదపాద్యతరంగిణి గంగే
హిమవిధుముక్తాధవళతరంగే |
దూరీకురు మమ దుష్కృతిభారం
కురు కృపయా భవసాగరపారమ్ || ౩ ||

తవ జలమమలం యేన నిపీతం
పరమపదం ఖలు తేన గృహీతమ్ |
మాతర్గంగే త్వయి యో భక్తః
కిల తం ద్రష్టుం న యమః శక్తః || ౪ ||

పతితోద్ధారిణి జాహ్నవి గంగే
ఖండితగిరివరమండిత భంగే |
భీష్మజనని హే మునివరకన్యే
పతితనివారిణి త్రిభువనధన్యే || ౫ ||

కల్పలతామివ ఫలదాం లోకే
ప్రణమతి యస్త్వాం న పతతి శోకే |
పారావారవిహారిణి గంగే
విముఖయువతికృతతరళాపాంగే || ౬ ||

తవ చేన్మాతః స్రోతః స్నాతః
పునరపి జఠరే సోఽపి న జాతః |
నరకనివారిణి జాహ్నవి గంగే
కలుషవినాశిని మహిమోత్తుంగే || ౭ ||

పునరసదంగే పుణ్యతరంగే
జయ జయ జాహ్నవి కరుణాపాంగే |
ఇంద్రముకుటమణిరాజితచరణే
సుఖదే శుభదే భృత్యశరణ్యే || ౮ ||

రోగం శోకం తాపం పాపం
హర మే భగవతి కుమతికలాపమ్ |
త్రిభువనసారే వసుధాహారే
త్వమసి గతిర్మమ ఖలు సంసారే || ౯ ||

అలకానందే పరమానందే
కురు కరుణామయి కాతరవంద్యే |
తవ తటనికటే యస్య నివాసః
ఖలు వైకుంఠే తస్య నివాసః || ౧౦ ||

వరమిహ నీరే కమఠో మీనః
కిం వా తీరే శరటః క్షీణః |
అథవా శ్వపచో మలినో దీన-
-స్తవ న హి దూరే నృపతికులీనః || ౧౧ ||

భో భువనేశ్వరి పుణ్యే ధన్యే
దేవి ద్రవమయి మునివరకన్యే |
గంగాస్తవమిమమమలం నిత్యం
పఠతి నరో యః స జయతి సత్యమ్ || ౧౨ ||

యేషాం హృదయే గంగాభక్తి-
-స్తేషాం భవతి సదా సుఖముక్తిః |
మధురాకాంతా పంఝటికాభిః
పరమానందకలితలలితాభిః || ౧౩ ||

గంగాస్తోత్రమిదం భవసారం
వాంఛితఫలదం విమలం సారమ్ |
శంకరసేవకశంకరరచితం
పఠతి సుఖీ స్తవ ఇతి చ సమాప్తః || ౧౪ ||

ఇతి శ్రీమచ్ఛంకరాచార్య కృతం శ్రీ గంగా స్తోత్రమ్ |

ganga stotram,ganga devi stotram in telugu,ganga stotram with lyrics,sri ganga stotram,ganga devi songs in telugu,ganga stotra,ganga stotram lyrics in telugu,#ganga stotram telugu,ganga ashtothram in telugu,ganga ashtottaram in telugu,ganga devi stotram,ganga devi stotram telugu,durga devi songs in telugu,ganga stotram ms subbulakshmi,dasha papahara ganga stotram telugu,ganga devi ashtakam in telugu,ganga devi story in telugu,ganga mantra in hindi,ganga

Leave a Reply

Your email address will not be published. Required fields are marked *

error: Content is protected !!