Kalki Stotram lyrics in kannada
ಸುಶಾಂತೋವಾಚ |
ಜಯ ಹರೇಽಮರಾಧೀಶಸೇವಿತಂ
ತವ ಪದಾಂಬುಜಂ ಭೂರಿಭೂಷಣಮ್ |
ಕುರು ಮಮಾಗ್ರತಃ ಸಾಧುಸತ್ಕೃತಂ
ತ್ಯಜ ಮಹಾಮತೇ ಮೋಹಮಾತ್ಮನಃ || ೧ ||
ತವ ವಪುರ್ಜಗದ್ರೂಪಸಂಪದಾ
ವಿರಚಿತಂ ಸತಾಂ ಮಾನಸೇ ಸ್ಥಿತಮ್ |
ರತಿಪತೇರ್ಮನೋ ಮೋಹದಾಯಕಂ
ಕುರು ವಿಚೇಷ್ಟಿತಂ ಕಾಮಲಂಪಟಮ್ || ೨ ||
ತವ ಯಶೋ ಜಗಚ್ಛೋಕನಾಶಕಂ
ಮೃದುಕಥಾಮೃತಂ ಪ್ರೀತಿದಾಯಕಮ್ |
ಸ್ಮಿತಸುಖೇಕ್ಷಿತಂ ಚಂದ್ರವನ್ಮುಖಂ
ತವ ಕರೋತ್ಯಲಂ ಲೋಕಮಂಗಳಮ್ || ೩ ||
ಮಮ ಪತಿಸ್ತ್ವಯಂ ಸರ್ವದುರ್ಜಯೋ
ಯದಿ ತವಾಪ್ರಿಯಂ ಕರ್ಮಣಾಚರೇತ್ |
ಜಹಿ ತದಾತ್ಮನಃ ಶತ್ರುಮುದ್ಯತಂ
ಕುರು ಕೃಪಾಂ ನ ಚೇದೀದೃಗೀಶ್ವರಃ || ೪ ||
ಮಹದಹಂಯುತಂ ಪಂಚಮಾತ್ರಯಾ
ಪ್ರಕೃತಿಜಾಯಯಾ ನಿರ್ಮಿತಂ ವಪುಃ |
ತವ ನಿರೀಕ್ಷಣಾಲ್ಲೀಲಯಾ ಜಗ-
-ತ್ಸ್ಥಿತಿಲಯೋದಯಂ ಬ್ರಹ್ಮಕಲ್ಪಿತಮ್ || ೫ ||
ಭೂವಿಯನ್ಮರುದ್ವಾರಿತೇಜಸಾಂ
ರಾಶಿಭಿಃ ಶರೀರೇಂದ್ರಿಯಾಶ್ರಿತೈಃ |
ತ್ರಿಗುಣಯಾ ಸ್ವಯಾ ಮಾಯಯಾ ವಿಭೋ
ಕುರು ಕೃಪಾಂ ಭವತ್ಸೇವನಾರ್ಥಿನಾಮ್ || ೬ ||
ತವ ಗುಣಾಲಯಂ ನಾಮ ಪಾವನಂ
ಕಲಿಮಲಾಪಹಂ ಕೀರ್ತಯಂತಿ ಯೇ |
ಭವಭಯಕ್ಷಯಂ ತಾಪತಾಪಿತಾ
ಮುಹುರಹೋ ಜನಾಃ ಸಂಸರಂತಿ ನೋ || ೭ ||
ತವ ಜಪಃ ಸತಾಂ ಮಾನವರ್ಧನಂ
ಜಿನಕುಲಕ್ಷಯಂ ದೇವಪಾಲಕಮ್ |
ಕೃತಯುಗಾರ್ಪಕಂ ಧರ್ಮಪೂರಕಂ
ಕಲಿಕುಲಾಂತಕಂ ಶಂ ತನೋತು ಮೇ || ೮ ||
ಮಮ ಗೃಹಂ ಪ್ರತಿ ಪುತ್ರನಪ್ತೃಕಂ
ಗಜರಥೈರ್ಧ್ವಜೈಶ್ಚಾಮರೈರ್ಧನೈಃ |
ಮಣಿವರಾಸನಂ ಸತ್ಕೃತಿಂ ವಿನಾ
ತವ ಪದಾಬ್ಜಯೋಃ ಶೋಭಯಂತಿ ಕಿಮ್ || ೯ ||
ತವ ಜಗದ್ವಪುಃ ಸುಂದರಸ್ಮಿತಂ
ಮುಖಮನಿಂದಿತಂ ಸುಂದರಾನನಮ್ |
ಯದಿ ನ ಮೇ ಪ್ರಿಯಂ ವಲ್ಗುಚೇಷ್ಟಿತಂ
ಪರಿಕರೋತ್ಯಹೋ ಮೃತ್ಯುರಸ್ತ್ವಿಹ || ೧೦ ||
ಹಯಚರ ಭಯಹರ ಕರಹರಶರಣ
ಖರತರವರಶರ ದಶಬಲದಮನ |
ಜಯ ಹತಪರಭವ ಭರವರನಾಶನ
ಶಶಧರ ಶತಸಮರಸಭರಮದನ || ೧೧ ||
ಇತಿ ಶ್ರೀಕಲ್ಕಿಪುರಾಣೇ ಶ್ರೀಸುಶಾಂತಕೃತಂ ಕಲ್ಕಿಸ್ತೋತ್ರಮ್ |
kalki,kalki mahamantra,kalki avatar,kalki jayanti mantra,kannada,kalki mantra,kalki bhagavan,#kalki,devotional songs in kannada,new kannada trailers,kannada news,kannada vlogs,kalki beej mantra,new kannada songs,kalki bhajan hindi,dashavatar series : kalki mantra,sri kalki suprabhatham – manasa smarami,kalki avatar beej mantra chanting,kalki bhajan,kalki bhagwan,kanna,kalki bhajans channel,om kong kalki devay namah,#kalki abatara#,lork kalki
