Mukthaka Mangalam lyrics in hindi
श्रीशैलेशदयापात्रं धीभक्त्यादिगुणार्णवम् ।
यतीन्द्रप्रवणं वन्दे रम्यजामातरं मुनिम् ॥
लक्ष्मीचरणलाक्षाङ्कसाक्षी श्रीवत्सवक्षसे ।
क्षेमंकराय सर्वेषां श्रीरङ्गेशाय मङ्गलम् ॥ १ ॥
श्रियःकान्ताय कल्याणनिधये निधयेऽर्थिनाम् ।
श्रीवेङ्कटनिवासाय श्रीनिवासाय मङ्गलम् ॥ २ ॥
अस्तु श्रीस्तनकस्तूरीवासनावासितोरसे ।
श्रीहस्तिगिरिनाथाय देवराजाय मङ्गलम् ॥ ३ ॥
कमलाकुचकस्तूरीकर्दमाङ्कितवक्षसे ।
यादवाद्रिनिवासाय सम्पत्पुत्राय मङ्गलम् ॥ ४ ॥
श्रीनगर्यां महापुर्यां ताम्रपर्ण्युत्तरे तटे ।
श्रीतिन्त्रिणीमूलधाम्ने शठकोपाय मङ्गलम् ॥ ५ ॥
श्रीमत्यै विष्णुचित्तार्यमनोनन्दनहेतवे ।
नन्दनन्दनसुन्दर्यै गोदायै नित्यमङ्गलम् ॥ ६ ॥
श्रीमन्महाभूतपुरे श्रीमत्केशवयज्वनः ।
कान्तिमत्यां प्रसूताय यतिराजाय मङ्गलम् ॥ ७ ॥
मङ्गलाशासनपरैः मदाचर्यपुरोगमैः ।
सर्वैश्च पूर्वैराचार्यैः सत्कृतायास्तु मङ्गलम् ॥ ८ ॥
पित्रे ब्रह्मोपदेष्ट्रे मे गुरवे दैवताय च ।
प्राप्याय प्रापकायाऽस्तु वेङ्कटेशाय मङ्गलम् ॥ ९ ॥
श्रीमते रम्यजामातृ मुनीन्द्राय महात्मने ।
श्रीरङ्गवासिने भूयात् मङ्गलं नित्यमङ्गलम् ॥ १० ॥
manavala mamunigal,mamunigal,sri manavala mamunigal,manavala maamunigal,swami manavala mamunigal,manavala mamunigal (deceased person),manavala,manavala mamuni,manavalar,mamaunigal,manavalamamunigal,manavalamamunigalsannidhi,#mamunigal650,sri lakshmi sahasranamavali,alamelumanga,sri vishnu sahasranamavali,mamuni,sri yatheendra pravana stotra mala,srirangam,sri yatheendra stotra mala by deivanayagam,periavachanpillai,srivaishnavam.sri
