Sri Hari Nama Ashtakam lyrics in telugu
శ్రీకేశవాచ్యుత ముకుంద రథాంగపాణే
గోవింద మాధవ జనార్దన దానవారే |
నారాయణామరపతే త్రిజగన్నివాస
జిహ్వే జపేతి సతతం మధురాక్షరాణి || ౧ ||
శ్రీదేవదేవ మధుసూదన శార్ఙ్గపాణే
దామోదరార్ణవనికేతన కైటభారే |
విశ్వంభరాభరతభూషిత భూమిపాల
జిహ్వే జపేతి సతతం మధురాక్షరాణి || ౨ ||
శ్రీపద్మలోచన గదాధర పద్మనాభ
పద్మేశ పద్మపద పావన పద్మపాణే |
పీతాంబరాంబరరుచే రుచిరావతార
జిహ్వే జపేతి సతతం మధురాక్షరాణి || ౩ ||
శ్రీకాంత కౌస్తుభధరార్తిహరాఽబ్జపాణే
విష్ణో త్రివిక్రమ మహీధర ధర్మసేతో |
వైకుంఠవాస వసుధాధిప వాసుదేవ
జిహ్వే జపేతి సతతం మధురాక్షరాణి || ౪ ||
శ్రీనారసింహ నరకాంతక కాంతమూర్తే
లక్ష్మీపతే గరుడవాహన శేషశాయిన్ |
కేశిప్రణాశన సుకేశ కిరీటమౌళే
జిహ్వే జపేతి సతతం మధురాక్షరాణి || ౫ ||
శ్రీవత్సలాంఛన సురర్షభ శంఖపాణే
కల్పాంతవారిధివిహార హరే మురారే |
యజ్ఞేశ యజ్ఞమయ యజ్ఞభుగాదిదేవ
జిహ్వే జపేతి సతతం మధురాక్షరాణి || ౬ ||
శ్రీరామ రావణరిపో రఘువంశకేతో
సీతాపతే దశరథాత్మజ రాజసింహ |
సుగ్రీవమిత్ర మృగవేధన చాపపాణే
జిహ్వే జపేతి సతతం మధురాక్షరాణి || ౭ ||
శ్రీకృష్ణ వృష్ణివర యాదవ రాధికేశ
గోవర్ధనోద్ధరణ కంసవినాశ శౌరే |
గోపాల వేణుధర పాండుసుతైకబంధో
జిహ్వే జపేతి సతతం మధురాక్షరాణి || ౮ ||
ఇత్యష్టకం భగవతః సతతం నరో యో
నామాంకితం పఠతి నిత్యమనన్యచేతాః |
విష్ణోః పరం పదముపైతి పునర్న జాతు
మాతుః పయోధరరసం పిబతీహ సత్యమ్ || ౯ ||
ఇతి శ్రీమత్పరమహంసస్వామిబ్రహ్మానందవిరచితం హరినామాష్టకమ్ |
telugu lyrics,srihari nama ashtakam telugu with lyrics,srihari nama ashtakam in telugu,srihari ashtakam telugu with lyrics,nityanandakari lyrics in telugu,ashtakam,nityanandakari varabhayakari lyrics in telugu,krishna ashtakam in telugu,govinda namalu in telugu,telugu devotional songs,mahalakshmi astakam telugu lyrics,surya ashtakam in telugu,kalabhairava ashtakam with telugu lyrics,harihara ashtothara sathanama stotram lyrics in telugu
