February 29, 2024

Sri Ramapati Ashtakam lyrics in hindiL

images 2023 12 21T214348.039 3

जगदादिमनादिमजं पुरुषं
शरदम्बरतुल्यतनुं वितनुम् ।
धृतकञ्जरथाङ्गगदं विगदं
प्रणमामि रमाधिपतिं तमहम् ॥ १ ॥

कमलाननकञ्जरतं विरतं
हृदि योगिजनैः कलितं ललितम् ।
कुजनैस्सुजनैरलभं सुलभं
प्रणमामि रमाधिपतिं तमहम् ॥ २ ॥

मुनिबृन्दहृदिस्थपदं सुपदं
निखिलाध्वरभागभुजं सुभुजम् ।
हृतवासवमुख्यमदं विमदं
प्रणमामि रमाधिपतिं तमहम् ॥ ३ ॥

हृतदानवदृप्तबलं सुबलं
स्वजनास्तसमस्तमलं विमलम् ।
समपास्त गजेन्द्रदरं सुदरं
प्रणमामि रमाधिपतिं तमहम् ॥ ४ ॥

परिकल्पितसर्वकलं विकलं
सकलागमगीतगुणं विगुणम् ।
भवपाशनिराकरणं शरणं
प्रणमामि रमाधिपतिं तमहम् ॥ ५ ॥

मृतिजन्मजराशमनं कमनं
शरणागतभीतिहरं दहरम् ।
परितुष्टरमाहृदयं सुदयं
प्रणमामि रमाधिपतिं तमहम् ॥ ६ ॥

सकलावनिबिम्बधरं स्वधरं
परिपूरितसर्वदिशं सुदृशम् ।
गतशोकमशोककरं सुकरं
प्रणमामि रमाधिपतिं तमहम् ॥ ७ ॥

मथितार्णवराजरसं सरसं
ग्रथिताखिललोकहृदं सुहृदम् ।
प्रथिताद्भुतशक्तिगणं सुगणं
प्रणमामि रमाधिपतिं तमहम् ॥ ८ ॥

सुखराशिकरं भवबन्धहरं
परमाष्टकमेतदनन्यमतिः ।
पठतीह तु योऽनिशमेव नरो
लभते खलु विष्णुपदं स परम् ॥ ९ ॥

इति श्रीपरमहंसस्वामि ब्रह्मानन्दविरचितं श्रीरमापत्यष्टकम् ।

sri ramapati astakam,ramapati ashtakam,rama ashtakam,sri kamalapati astakam,sri ramapati astakam maalolakannan,sri ramapati astakam by malola kannan,shree ram ramapati,sri ramachandra ashtakam,sitaram ashtkam,umapati,shri satyanarayan ashtakam,umapati mahesh,umapati maheshwaram,satyanarayan ashtakam,satyanarayan ashtakam lyrics,shree sitaram ashtkam,satyanarayan ashtakam sanskrit,sri ramachandra ashtakam by malola kannan,satyanarayan ashtakam stotra

Leave a Reply

Your email address will not be published. Required fields are marked *

error: Content is protected !!