Varaha Puranam lyrics in kannada
ರೈಭ್ಯ ಉವಾಚ |
ಗದಾಧರಂ ವಿಬುಧಜನೈರಭಿಷ್ಟುತಂ
ಧೃತಕ್ಷಮಂ ಕ್ಷುಧಿತ ಜನಾರ್ತಿನಾಶನಮ್ |
ಶಿವಂ ವಿಶಾಲಾಽಸುರಸೈನ್ಯಮರ್ದನಂ
ನಮಾಮ್ಯಹಂ ಹತಸಕಲಾಽಶುಭಂ ಸ್ಮೃತೌ || ೧ ||
ಪುರಾಣಪೂರ್ವಂ ಪುರುಷಂ ಪುರುಷ್ಟುತಂ
ಪುರಾತನಂ ವಿಮಲಮಲಂ ನೃಣಾಂ ಗತಿಮ್ |
ತ್ರಿವಿಕ್ರಮಂ ಹೃತಧರಣಿಂ ಬಲೋರ್ಜಿತಂ
ಗದಾಧರಂ ರಹಸಿ ನಮಾಮಿ ಕೇಶವಮ್ || ೨ ||
ವಿಶುದ್ಧಭಾವಂ ವಿಭವೈರುಪಾವೃತಂ
ಶ್ರಿಯಾವೃತಂ ವಿಗತಮಲಂ ವಿಚಕ್ಷಣಮ್ |
ಕ್ಷಿತೀಶ್ವರೈರಪಗತಕಿಲ್ಬಿಷೈಃ ಸ್ತುತಂ
ಗದಾಧರಂ ಪ್ರಣಮತಿ ಯಃ ಸುಖಂ ವಸೇತ್ || ೩ ||
ಸುರಾಽಸುರೈರರ್ಚಿತಪಾದಪಂಕಜಂ
ಕೇಯೂರಹಾರಾಂಗದಮೌಲಿಧಾರಿಣಮ್ |
ಅಬ್ಧೌ ಶಯಾನಂ ಚ ರಥಾಂಗಪಾಣಿನಂ
ಗದಾಧರಂ ಪ್ರಣಮತಿ ಯಃ ಸುಖಂ ವಸೇತ್ || ೪ ||
ಸಿತಂ ಕೃತೇ ತ್ರೇತಯುಗೇಽರುಣಂ ವಿಭುಂ
ತಥಾ ತೃತೀಯೇ ಪೀತವರ್ಣಮಚ್ಯುತಮ್ |
ಕಲೌ ಘನಾಲಿಪ್ರತಿಮಂ ಮಹೇಶ್ವರಂ
ಗದಾಧರಂ ಪ್ರಣಮತಿ ಯಃ ಸುಖಂ ವಸೇತ್ || ೫ ||
ಬೀಜೋದ್ಭವೋ ಯಃ ಸೃಜತೇ ಚತುರ್ಮುಖಂ
ತಥೈವ ನಾರಾಯಣರೂಪತೋ ಜಗತ್ |
ಪ್ರಪಾಲಯೇದ್ರುದ್ರವಪುಸ್ತಥಾಂತಕೃ-
-ದ್ಗದಾಧರೋ ಜಯತು ಷಡರ್ಧಮೂರ್ತಿಮಾನ್ || ೬ ||
ಸತ್ತ್ವಂ ರಜಶ್ಚೈವ ತಮೋ ಗುಣಾಸ್ತ್ರಯ-
-ಸ್ತ್ವೇತೇಷು ನಾನ್ಯಸ್ಯ ಸಮುದ್ಭವಃ ಕಿಲ |
ಸ ಚೈಕ ಏವ ತ್ರಿವಿಧೋ ಗದಾಧರೋ
ದಧಾತು ಧೈರ್ಯಂ ಮಮ ಧರ್ಮಮೋಕ್ಷಯೋಃ || ೭ ||
ಸಂಸಾರತೋಯಾರ್ಣವದುಃಖತಂತುಭಿ-
-ರ್ವಿಯೋಗನಕ್ರಕ್ರಮಣೈಃ ಸುಭೀಷಣೈಃ |
ಮಜ್ಜಂತಮುಚ್ಚೈಃ ಸುತರಾಂ ಮಹಾಪ್ಲವೇ
ಗದಾಧರೋ ಮಾಮುದಧೌ ತು ಪೋತವತ್ || ೮ ||
ಸ್ವಯಂ ತ್ರಿಮೂರ್ತಿಃ ಸ್ವಮಿವಾತ್ಮನಾತ್ಮನಿ
ಸ್ವಶಕ್ತಿತಶ್ಚಾಂಡಮಿದಂ ಸಸರ್ಜ ಹ |
ತಸ್ಮಿಞ್ಜಲೋತ್ಥಾಸನಮಾರ್ಯ ತೈಜಸಂ
ಸಸರ್ಜ ಯಸ್ತಂ ಪ್ರಣತೋಽಸ್ಮಿ ಭೂಧರಮ್ || ೯ ||
ಮತ್ಸ್ಯಾದಿನಾಮಾನಿ ಜಗತ್ಸು ಕೇವಲಂ
ಸುರಾದಿಸಂರಕ್ಷಣತೋ ವೃಷಾಕಪಿಃ |
ಮುಖ್ಯಸ್ವರೂಪೇಣ ಸಮಂತತೋ ವಿಭು-
-ರ್ಗದಾಧರೋ ಮೇ ವಿದಧಾತು ಸದ್ಗತಿಮ್ || ೧೦ ||
ಇತಿ ಶ್ರೀವರಾಹಪುರಾಣೇ ಸಪ್ತಮೋಽಧ್ಯಾಯೇ ರಭ್ಯಕೃತ ಗದಾಧರ ಸ್ತೋತ್ರಮ್ |
garuda purana in kannada,varaha avatar story in kannada,kannada,kantara kannada movie,18 puranas in kannada,18 puranas name in kannada,shiva purana in kannada,sr tv kannada,vishnu purana in kannada,varaha avatara story in kannada,varaha avatar mystery in kannada,garuda purana punishments in kannada,ramayana in kannada,varaha jayanti mantra,varaha avatar story of lord vishnu in kannada,mahabharata in kannada,in kannada,kurukshetra in kannada
