Deena Bandhu Ashtakam lyrics in telugu
యస్మాదిదం జగదుదేతి చతుర్ముఖాద్యం
యస్మిన్నవస్థితమశేషమశేషమూలే |
యత్రోపయాతి విలయం చ సమస్తమంతే
దృగ్గోచరో భవతు మేఽద్య స దీనబంధుః || ౧ ||
చక్రం సహస్రకరచారు కరారవిందే
గుర్వీ గదా దరవరశ్చ విభాతి యస్య |
పక్షీంద్రపృష్ఠపరిరోపితపాదపద్మో
దృగ్గోచరో భవతు మేఽద్య స దీనబంధుః || ౨ ||
యేనోద్ధృతా వసుమతీ సలిలే నిమగ్నా
నగ్నా చ పాండవవధూః స్థగితా దుకూలైః |
సమ్మోచితో జలచరస్య ముఖాద్గజేంద్రో
దృగ్గోచరో భవతు మేఽద్య స దీనబంధుః || ౩ ||
యస్యార్ద్రదృష్టివశతస్తు సురాస్సమృద్ధిం
కోపేక్షణేన దనుజా విలయం వ్రజంతి |
భీతాశ్చరంతి చ యతోఽర్కయమానిలాద్యాః
దృగ్గోచరో భవతు మేఽద్య స దీనబంధుః || ౪ ||
గాయంతి సామకుశలా యమజం మఖేషు
ధ్యాయంతి ధీరమతయో యతయో వివిక్తే |
పశ్యంతి యోగిపురుషాః పురుషం శరీరే
దృగ్గోచరో భవతు మేఽద్య స దీనబంధుః || ౫ ||
ఆకారరూపగుణయోగవివర్జితోఽపి
భక్తానుకంపననిమిత్తగృహీతమూర్తిః |
యస్సర్వగోఽపి కృతశేషశరీరశయ్యో
దృగ్గోచరో భవతు మేఽద్య స దీనబంధుః || ౬ ||
యస్యాంఘ్రిపంకజమనిద్రమునీంద్రబృందై-
రారాధ్యతే భవదవానలదాహశాంత్యై |
సర్వాపరాధమవిచింత్య మమాఖిలాత్మా
దృగ్గోచరో భవతు మేఽద్య స దీనబంధుః || ౭ ||
యన్నామకీర్తనపరః శ్వపచోఽపి మానం
హిత్వాఖిలం కలిమలం భువనం పునాతి |
దగ్ధ్వా మమాఘమఖిలం కరుణేక్షణేన
దృగ్గోచరో భవతు మేఽద్య స దీనబంధుః || ౮ ||
దీనబంధ్వష్టకం పుణ్యం బ్రహ్మానందేన భాషితం |
యః పఠేత్ప్రయతో నిత్యం తస్య విష్ణుః ప్రసీదతి || ౯ ||
ఇతి శ్రీపరమహంసస్వామిబ్రహ్మానందవిరచితం దీనబంధ్వష్టకమ్ |
deena bandhu shiva songs in telugu,deena bandhu,telugu shiva songs,deena bandhu special song,lord shiva songs telugu,telugu devotional songs,he deena bandhu,lord shiva devotional songs telugu,lord shiva telugu devotional songs,lord shiva songs in telugu,telugu best lord maha shiva songs,shiva songs telugu,god songs telugu,lord shiva telugu songs,telugu bhakti songs,deena bandhu vittahla jai,subramanya ashtakam in telugu,ashtakam,shiva telugu bhakti songs
