Nirvana Dasakam lyrics in telugu
న భూమిర్న తోయం న తేజో న వాయుః
న ఖం నేంద్రియం వా న తేషాం సమూహః
అనేకాంతికత్వాత్సుషుప్త్యేకసిద్ధః
తదేకోఽవశిష్టః శివః కేవలోఽహమ్ || ౧ ||
న వర్ణా న వర్ణాశ్రమాచారధర్మా
న మే ధారణాధ్యానయోగాదయోపి
అనాత్మాశ్రయాహం మమాధ్యాసహానా-
త్తదేకోఽవశిష్టః శివః కేవలోఽహమ్ || ౨ ||
న మాతా పితా వా న దేవా న లోకా
న వేదా న యజ్ఞా న తీర్థ బ్రువంతి
సుషుప్తౌ నిరస్తాతిశూన్యాత్మకత్వా-
త్తదేకోఽవశిష్టః శివః కేవలోఽహమ్ || ౩ ||
న సాంఖ్యం న శైవం న తత్పాంచరాత్రం
న జైనం న మీమాంసకాదేర్మతం వా
విశిష్టానుభూత్యా విశుద్ధాత్మకత్వా-
త్తదేకోఽవశిష్టః శివః కేవలోఽహమ్ || ౪ ||
న చోర్ధ్వం న చాధో న చాంతర్న బాహ్యం
న మధ్యం న తిర్యన్న పూర్వాఽపరా దిక్
వియద్వ్యాపకత్వాదఖండైకరూపః
తదేకోఽవశిష్టః శివః కేవలోఽహమ్ || ౫ ||
న శుక్లం న కృష్ణం న రక్తం న పీతం
న కుబ్జం న పీనం న హ్రస్వం న దీర్ఘం
అరూపం తథా జ్యోతిరాకారకత్వా-
త్తదేకోఽవశిష్టః శివః కేవలోఽహమ్ || ౬ ||
న శాస్తా న శాస్త్రం న శిష్యో న శిక్షా
న చ త్వం న చాహం న చాయం ప్రపంచః
స్వరూపావబోధీ వికల్పాసహిష్ణుః
తదేకోఽవశిష్టః శివః కేవలోఽహమ్ || ౭ ||
న జాగ్రన్న మే స్వప్నకో వా సుషుప్తిః
న విశ్వో న వా తైజసః పాజ్ఞకో వా
అవిద్యాత్మకత్వాత్త్రయాణం తురీయః
తదేకోఽవశిష్టః శివః కేవలోఽహమ్ || ౮ ||
అపి వ్యాపకత్వాద్ధితత్వప్రయోగా-
త్స్వతః సిద్ధభావాదనన్యాశ్రయత్వాత్
జగత్తుచ్ఛమేతత్సమస్తం తదన్య-
త్తదేకోఽవశిష్టః శివః కేవలోఽహమ్ || ౯ ||
న చైకం తదన్యద్ద్వితీయం కుతః స్యాత్
న కేవలత్వం న చాకేవలత్వం
న శూన్యం న చాశూన్యమద్వైతకత్వా-
త్కథం సర్వవేదాంతసిద్ధిం బ్రవీమి || ౧౦ ||
nirvana shatakam meaning in telugu,atma gnanam in telugu,nirvana shatakam in telugu with meaning,brahma gnanam in telugu,nirvana dashakam,advaita in telugu,advaita vedanta in telugu,upanishads in telugu,nirvana dasakam,advaita pravachan in telugu,nirvana,atma vidhya in telugu,bhagavad gita pravachan in telugu,brahma vidhya in telugu,nirvana shatakam telugu,nirvana shatakam in telugu,nirvaana shatakam in telugu,nirvana shatkam
