February 29, 2024

Shodasayudha Stotram lyrics in telugu

images 2023 12 20T173940.064

స్వసంకల్పకలాకల్పైరాయుధైరాయుధేశ్వరః |
జుష్టః షోడశభిర్దివ్యైర్జుషతాం వః పరః పుమాన్ || ౧ ||

యదాయత్తం జగచ్చక్రం కాలచక్రం చ శాశ్వతమ్ |
పాతు వస్తత్పరం చక్రం చక్రరూపస్య చక్రిణః || ౨ ||

యత్ప్రసూతిశతైరాసన్ ద్రుమాః పరశులాంఛితాః | [రుద్రాః]
స దివ్యో హేతిరాజస్య పరశుః పరిపాతు వః || ౩ ||

హేలయా హేతిరాజేన యస్మిన్ దైత్యాః సముద్ధృతే |
శకుంతా ఇవ ధావంతి స కుంతః పాలయేత వః || ౪ ||

దైత్యదానవముఖ్యానాం దండ్యానాం యేన దండనమ్ |
హేతిదండేశదండోఽసౌ భవతాం దండయేద్ద్విషః || ౫ ||

అనన్యాన్వయభక్తానాం రుంధన్నాశామతంగజాన్ |
అనంకుశవిహారో వః పాతు హేతీశ్వరాంకుశః || ౬ ||

సంభూయ శలభాయంతే యత్ర పాపాని దేహినామ్ |
స పాతు శతవక్త్రాగ్నిహేతిర్హేతీశ్వరస్య వః || ౭ ||

అవిద్యాం స్వప్రకాశేన విద్యారూపశ్ఛినత్తి యః |
స సుదర్శననిస్త్రింశః సౌతు వస్తత్త్వదర్శనమ్ || ౮ ||

క్రియాశక్తిగుణోవిష్ణోర్యో భవత్యతిశక్తిమాన్ |
అకుంఠశక్తిః సా శక్తిరశక్తిం వారయేత వః || ౯ ||

తారత్వం యస్య సంస్థానే శబ్దే చ పరిదృశ్యతే |
ప్రభోః ప్రహరణేంద్రస్య పాంచజన్యః స పాతు వః || ౧౦ ||

యం సాత్త్వికమహంకారం ఆమనంత్యక్షసాయకమ్ |
అవ్యాద్వశ్చక్రరూపస్య తద్ధనుః శార్‍ఙ్గధన్వనః || ౧౧ ||

ఆయుధేంద్రేణ యేనైవ విశ్వసర్గో విరచ్యతే |
స వః సౌదర్శనః కుర్యాత్ పాశః పాశవిమోచనమ్ || ౧౨ ||

విహారో యేన దేవస్య విశ్వక్షేత్రకృషీవలః |
వ్యజ్యతే తేన సీరేణ నాసీరవిజయోఽస్తు వః || ౧౩ ||

ఆయుధానామహం వజ్రం ఇత్యగీయత యః స వః |
అవ్యాద్ధేతీశవజ్రోఽసావదధీచ్యస్థిసంభవః || ౧౪ ||

విశ్వసంహృతిశక్తిర్యా విశ్రుతా బుద్ధిరూపిణీ |
సా వః సౌదర్శనీ భూయాద్గదప్రశమనీ గదా || ౧౫ ||

యాత్యతిక్షోదశాలిత్వం ముసలో యేన తేన వః |
హేతీశముసలేనాశు భిద్యతాం మోహమౌసలమ్ || ౧౬ ||

శూలిదృష్టమనోర్వాచ్యో యేన శూలయతి ద్విషః |
భవతాం తేన భవతాత్ త్రిశూలేన విశూలతా || ౧౭ ||

అస్త్రగ్రామస్య కృత్స్నస్య ప్రసూతిం యం ప్రచక్షతే |
సోఽవ్యాత్ సుదర్శనో విశ్వం ఆయుధైః షోడశాయుధః || ౧౮ ||

శ్రీమద్వేంకటనాథేన శ్రేయసే భూయసే సతామ్ |
కృతేయమాయుధేంద్రస్య షోడశాయుధసంస్తుతిః || ౧౯ ||

ఇతి శ్రీవేదాంతదేశిక విరచితం షోడశాయుధ స్తోత్రమ్ |

shodashayudha stotram,shodasayudha stothram,panchayudha stotram in telugu,panchayudha stotram lyrics in telugu,shodasa ayudha stotram,dattatreya shanti stotram in telugu,sri dattatreya stotram in telugu,shodasayudha stotram lyrics in sanskrit,venkateswara swamy stotram in telugu pdf,vedantha desika stotram,sri venkateswara stotram meaning in telugu,shodasayudha stotram,sudarshana stotram telugu,shri shodasayudha stotram,shodasayudha stotram lyrics

Leave a Reply

Your email address will not be published. Required fields are marked *

error: Content is protected !!