Sri Vamana Stotram 3 lyrics in telugu
లోమహర్షణ ఉవాచ |
దేవదేవో జగద్యోనిరయోనిర్జగదాదిజః |
అనాదిరాదిర్విశ్వస్య వరేణ్యో వరదో హరిః || ౧ ||
పరావరాణాం పరమః పరాపరసతాం గతిః |
ప్రభుః ప్రమాణం మానానాం సప్తలోకగురోర్గురుః |
స్థితిం కర్తుం జగన్నాథః సోఽచింత్యో గర్భతాం గతః || ౨ ||
ప్రభుః ప్రభూణాం పరమః పరాణా-
-మనాదిమధ్యో భగవాననంతః |
త్రైలోక్యమంశేన సనాథమేకః
కర్తుం మహాత్మాదితిజోఽవతీర్ణః || ౩ ||
న యస్య రుద్రో న చ పద్మయోని-
-ర్నేంద్రో న సూర్యేందుమరీచిమిశ్రాః |
జానంతి దైత్యాధిప యత్స్వరూపం
స వాసుదేవః కలయావతీర్ణః || ౪ ||
యమక్షరం వేదవిదో వదంతి
విశంతి యం జ్ఞానవిధూతపాపాః |
యస్మిన్ ప్రవిష్టా న పునర్భవంతి
తం వాసుదేవం ప్రణమామి దేవమ్ || ౫ ||
భృతాన్యశేషాణి యతో భవంతి
యథోర్మయస్తోయనిధేరజస్రమ్ |
లయం చ యస్మిన్ ప్రలయే ప్రయాంతి
తం వాసుదేవం ప్రణతోఽస్మ్యచింత్యమ్ || ౬ ||
న యస్య రూపం న బలం ప్రభావో
న చ ప్రతాపః పరమస్య పుంసః |
విజ్ఞాయతే సర్వపితామహాద్యై-
-స్తం వాసుదేవం ప్రణమామి దేవమ్ || ౭ ||
రూపస్య చక్షుర్గ్రహణే త్వగేషా
స్పర్శగ్రహిత్రీ రసనా రసస్య |
ఘ్రాణం చ గంధగ్రహణే నియుక్తం
న ఘ్రాణచక్షుః శ్రవణాది తస్య || ౮ ||
స్వయంప్రకాశః పరమార్థతో యః
సర్వేశ్వరో వేదితవ్యః స యుక్త్యా |
శక్యం తమీడ్యమనఘం చ దేవం
గ్రాహ్యం నతోఽహం హరిమీశితారమ్ || ౯ ||
యేనైకదంష్ట్రేణ సముద్ధృతేయం
ధరాచలా ధారయతీహ సర్వమ్ |
శేతే గ్రసిత్వా సకలం జగద్య-
-స్తమీడ్యమీశం ప్రణతోఽస్మి విష్ణుమ్ || ౧౦ ||
అంశావతీర్ణేన చ యేన గర్భే
హృతాని తేజాంసి మహాసురాణామ్ |
నమామి తం దేవమనంతమీశ-
-మశేషసంసారతరోః కుఠారమ్ || ౧౧ ||
దేవో జగద్యోనిరయం మహాత్మా
స షోడశాంశేన మహాసురేంద్రాః |
సురేంద్ర మాతుర్జఠరం ప్రవిష్టో
హృతాని వస్తేన బలం వపూంషి || ౧౨ ||
ఇతి వామనపురాణాంతర్గత శ్రీ వామన స్తోత్రమ్ |
vamana stotram,dadhi vamana stotram,vamana,siddha kunjika stotram in telugu,vamana mantra,vamana stotra,dadhi vamana stotra,vamana puranam in telugu,vamana jayanthi,sri vamana stotram,vamana ashtottara in telugu,vamana gayatri mantra,vamana ashtottara vamana in telugu,108 names of vamana in telugu,vamana ashtottara shatanamavali lyrics in telugu,vamana stotram in kannada,vamana avatar,శ్రీ వామన స్తోత్రం sri vamana stotram,vamana stotram in bhagavatham
