Vishwanatha Nagari Stava in telugu
స్వర్గతః సుఖకరీ దివౌకసాం శైలరాజతనయాఽతివల్లభా |
ఢుంఢిభైరవవిదారితవిఘ్నా విశ్వనాథనగరీ గరీయసీ || ౧ ||
యత్ర దేహపతనేన దేహినాం ముక్తిరేవ భవతీతి నిశ్చితమ్ |
పూర్వపుణ్య నిచయేన లభ్యతే విశ్వనాథనగరీ గరీయసీ || ౨ ||
సర్వదాఽమరగణైశ్చవందితా యా గజేంద్రముఖవారితవిఘ్నా |
కాలభైరవకృతైకశాసనా విశ్వనాథనగరీ గరీయసీ || ౩ ||
యత్ర తీర్థమమలా మణికర్ణికా యా సదాశివ సుఖప్రదాయినీ |
యా శివేన రచితా నిజాయుధైః విశ్వనాథనగరీ గరీయసీ || ౪ ||
సర్వతీర్థకృతమజ్జనపుణ్యైర్జన్మజన్మసుకృతైః ఖలు లభ్యా |
ప్రాప్యతే భవ భవార్తినాశిని విశ్వనాథనగరీ గరీయసీ || ౫ ||
యత్ర ముక్తిరఖిలైస్తు జంతుభిర్లభ్యతే మరణమాత్రతః సదా |
నాఖిలామరగణైశ్చవందితా విశ్వనాథనగరీ గరీయసీ || ౬ ||
యత్ర శక్రనగరీ తనీయసీ యత్ర ధాతృనగరీ కనీయసీ |
యత్ర కేశవపురీ లఘీయసీ విశ్వనాథనగరీ గరీయసీ || ౭ ||
యత్ర దేవతటినీ ప్రథీయసీ యత్ర విశ్వజననీ పటీయసీ |
యత్ర భైరవకృతిర్బలీయసీ విశ్వనాథనగరీ గరీయసీ || ౮ ||
విశ్వనాథనగరీస్తవం శుభం
యః పఠేత్ ప్రయతమానసః సదా |
పుత్రదారగృహలాభమవ్యయం
ముక్తిమార్గమనఘం లభేత్సదా || ౯ ||
ఇతి శ్రీవేదవ్యాసవిరచిత కాశ్యష్టకం నామ విశ్వనాథనగరీస్తవమ్ |
parshwanath bhagwan story in gujarati,shri vishwanath ashtakam,parshwanath bhagwan story in hindi,vishwanath,shri vishwanath ashtakam stotra,shri vishwanath ashtakam lyrics,shri vishwanath ashtakam stotram,kashi vishwanath,jain stavan,jain stories in hindi,vishwanathashtakam,vishwanathashtakam – single,parshwanath bhagwan ki story,parshwanath bhagwan story,jain pravachan,tujhi athavan yete mala,tuzi athavan yetey mala,karnataka golden temple,jain shasan
