Saulabhya Choodamani Stotram lyrics in telugu
బ్రహ్మోవాచ |
చక్రాంభోజే సమాసీనం చక్రాద్యాయుధధారిణమ్ |
చక్రరూపం మహావిష్ణుం చక్రమంత్రేణ చింతయేత్ || ౧ ||
సర్వావయవసంపూర్ణం భయస్యాపి భయంకరమ్ |
ఉగ్రం త్రినేత్రం కేశాగ్నిం జ్వాలామాలాసమాకులమ్ || ౨ ||
అప్రమేయమనిర్దేశ్యం బ్రహ్మాండవ్యాప్తవిగ్రహమ్ |
అష్టాయుధపరీవారం అష్టాపదసమద్యుతిమ్ || ౩ ||
అష్టారచక్రమత్యుగ్రం సంవర్తాగ్నిసమప్రభమ్ |
దక్షిణైర్బాహుభిశ్చక్రముసలాంకుశపత్రిణః || ౪ ||
దధానం వామతః శంఖచాపపాశగదాధరమ్ |
రక్తాంబరధరం దేవం రక్తమాల్యోపశోభితమ్ || ౫ ||
రక్తచందనలిప్తాంగం రక్తవర్ణమివాంబుదమ్ |
శ్రీవత్సకౌస్తుభోరస్కం దీప్తకుండలధారిణమ్ || ౬ ||
హారకేయూరకటకశృంఖలాద్యైరలంకృతమ్ |
దుష్టనిగ్రహకర్తారం శిష్టానుగ్రహకారిణమ్ || ౭ ||
ఏవం సౌదర్శనం నిత్యం పురుషం హృది భావయేత్ |
సౌలభ్యచూడామణ్యాఖ్యం మయా భక్త్యా సమీరితమ్ || ౮ ||
చూడాయుక్తం త్రిసంధ్యాయాం యః పఠేత్ స్తోత్రముత్తమమ్ |
భయం చ న భవేత్తస్య దురితం చ కదాచన || ౯ ||
జలే వాఽపి స్థలే వాఽపి చోరదుఃఖమహాపది |
సంగ్రామే రాజసంమర్దే శత్రుభిః పరిపీడితే || ౧౦ ||
బంధనే నిగలే వాఽపి సంకటేఽపి మహాభయే |
యః పఠేత్ పరయా భక్త్యా స్తోత్రమేతజ్జితేంద్రియః |
సర్వత్ర చ సుఖీ భూత్వా సర్వాన్ కామానవాప్నుయాత్ || ౧౧ ||
ఇతి శ్రీ సౌలభ్యచూడామణి స్తోత్రమ్ |
saulabhya choodamani stotram,soulabhya choodamani,sudarshana stotram,sudarsana stotra,stotra,#dakshinamurthystotram,#sridakshinamurthystotram,sudarshana mantra,#sridakshinamurthystotramintelugu,mantra,powerful mantra,mahalakshmi mantra,vedic mantras,mantra to remove emotional problems,mantra for health,sri sudarshana stothranjali,lakshmi mantra to remove monetary problems,mantra (composition),mantra to remove miseries from life,sri lalitha neerajanam
