February 29, 2024

Sri Garuda Dandakam lyrics in telugu

images 2023 12 22T190506.769

శ్రీమాన్ వేంకటనాథార్యః కవితార్కికకేసరీ |
వేదాంతాచార్యవర్యో మే సన్నిధత్తాం సదాహృది ||

నమః పన్నగనద్ధాయ వైకుంఠవశవర్తినే |
శ్రుతిసింధుసుధోత్పాదమందరాయ గరుత్మతే ||

గరుడమఖిలవేదనీడాధిరూఢం ద్విషత్పీడనోత్కంఠితాకుంఠ వైకుంఠపీఠీకృత స్కంధమీడే స్వనీడా గతిప్రీతరుద్రా సుకీర్తిస్తనాభోగ గాఢోపగూఢం స్ఫురత్కంటక వ్రాత వేధవ్యథా వేపమాన ద్విజిహ్వాధిపా కల్పవిష్ఫార్యమాణ స్ఫటావాటికా రత్నరోచిశ్ఛటా రాజినీరాజితం కాంతికల్లోలినీ రాజితమ్ || ౧ ||

జయ గరుడ సుపర్ణ దర్వీకరాహార దేవాధిపా హారహారిన్ దివౌకస్పతి క్షిప్తదంభోళి ధారాకిణా కల్పకల్పాంత వాతూల కల్పోదయానల్ప వీరాయితోద్యత్ చమత్కార దైత్యారి జైత్రధ్వజారోహ నిర్ధారితోత్కర్ష సంకర్షణాత్మన్ గరుత్మన్ మరుత్పంచకాధీశ సత్యాదిమూర్తే న కశ్చిత్ సమస్తే నమస్తే పునస్తే నమః || ౨ ||

నమ ఇదమజహత్ సపర్యాయ పర్యాయనిర్యాత పక్షానిలాస్ఫాలనోద్వేలపాథోధి వీచీ చపేటాహతా గాధ పాతాళ భాంకార సంక్రుద్ధ నాగేంద్ర పీడా సృణీభావ భాస్వన్నఖశ్రేణయే చండ తుండాయ నృత్యద్భుజంగభ్రువే వజ్రిణే దంష్ట్రయా తుభ్యమధ్యాత్మవిద్యా విధేయా విధేయా భవద్దాస్యమాపాదయేథా దయేథాశ్చ మే || ౩ ||

మనురనుగత పక్షివక్త్ర స్ఫురత్తారకస్తావకశ్చిత్రభానుప్రియా శేఖరస్త్రాయతాం నస్త్రివర్గాపవర్గ ప్రసూతిః పరవ్యోమధామన్ వలద్వేషిదర్ప జ్వలద్వాలఖిల్య ప్రతిజ్ఞావతీర్ణ స్థిరాం తత్త్వబుద్ధిం పరాం భక్తిధేనుం జగన్మూలకందే ముకుందే మహానందదోగ్ధ్రీం దధీథా ముధా కామహీనామహీనామహీనాంతక || ౪ ||

షట్త్రింశద్గణచరణో నరపరిపాటీనవీనగుంభగణః |
విష్ణురథదండకోఽయం విఘటయతు విపక్షవాహినీవ్యూహమ్ || ౫ ||

విచిత్రసిద్ధిదః సోఽయం వేంకటేశవిపశ్చితా |
గరుడధ్వజతోషాయ గీతో గరుడదండకః || ౬ ||

కవితార్కికసింహాయ కళ్యాణగుణశాలినే |
శ్రీమతే వేంకటేశాయ వేదాంతగురవే నమః ||

శ్రీమతే నిగమాంతమహాదేశికాయ నమః |

ఇతి శ్రీ గరుడ దండకమ్ |

garuda dandakam,powerful garuda mantra,garuda mantra,garuda kavach,garuda kavacham,garuda stotram,yashoda kumar dasa,mantra trance,powerful mantra to destroy black magic,ishnu mantram,spiritual mantra,swami desikan,vishnu mantra,powerful mantra,vishnu sahasranam,mantra meditation,destroy fear,vishnu

Leave a Reply

Your email address will not be published. Required fields are marked *

error: Content is protected !!