Sri Jagannatha Panchakam lyrics in telugu
రక్తాంభోరుహదర్పభంజనమహాసౌందర్యనేత్రద్వయం
ముక్తాహారవిలంబిహేమముకుటం రత్నోజ్జ్వలత్కుండలమ్ |
వర్షామేఘసమాననీలవపుషం గ్రైవేయహారాన్వితం
పార్శ్వే చక్రధరం ప్రసన్నవదనం నీలాద్రినాథం భజే || ౧ ||
ఫుల్లేందీవరలోచనం నవఘనశ్యామాభిరామాకృతిం
విశ్వేశం కమలావిలాసవిలసత్పాదారవిందద్వయమ్ |
దైత్యారిం సకలేందుమండితముఖం చక్రాబ్జహస్తద్వయం
వందే శ్రీపురుషోత్తమం ప్రతిదినం లక్ష్మీనివాసాలయమ్ || ౨ ||
ఉద్యన్నీరదనీలసుందరతనుం పూర్ణేందుబింబాననం
రాజీవోత్పలపత్రనేత్రయుగలం కారుణ్యవారాంనిధిమ్ |
భక్తానాం సకలార్తినాశనకరం చింతాబ్ధిచింతామణిం
వందే శ్రీపురుషోత్తమం ప్రతిదినం నీలాద్రిచూడామణిమ్ || ౩ ||
నీలాద్రౌ శంఖమధ్యే శతదలకమలే రత్నసింహాసనస్థం
సర్వాలంకారయుక్తం నవఘనరుచిరం సంయుతం చాగ్రజేన |
భద్రాయా వామభాగే రథచరణయుతం బ్రహ్మరుద్రేంద్రవంద్యం
వేదానాం సారమీశం సుజనపరివృతం బ్రహ్మతాతం స్మరామి || ౪ ||
దోర్భ్యాం శోభితలాంగలం సముసలం కాదంబరీచంచలం
రత్నాఢ్యం వరకుండలం భుజబలేనాక్రాంతభూమండలమ్ |
వజ్రాభామలచారుగండయుగలం నాగేంద్రచూడోజ్జ్వలం
సంగ్రామే చపలం శశాంకధవలం శ్రీకామపాలం భజే || ౫ ||
ఇతి శ్రీజగన్నాథపంచకం సమాప్తమ్ |
slokas in telugu,jagannadha swamy chalisa in telugu,lalitha panchakam telugu,#jagannatha panchakam,jagannath ashtakam in sanskrit,telugu,lalitha panchakam in sanskrit,jagannath,lord jagannadha panchakam,jagannath ashtakam lyrics in hindi,lalitha devi songs in telugu,astrology in telugu,lord jagannath songs in odia,lord jagannath,telugu natakam,jagannath rath yatra,sri jagannadha kavacham,jagannadha kavacham,jagannath ashtakam iskcon mp3
