Sri Narayana Ashtakam lyrics in telugu
వాత్సల్యాదభయప్రదానసమయాదార్తార్తినిర్వాపణా-
-దౌదార్యాదఘశోషణాదగణితశ్రేయః పదప్రాపణాత్ |
సేవ్యః శ్రీపతిరేక ఏవ జగతామేతేఽభవత్సాక్షిణః
ప్రహ్లాదశ్చ విభీషణశ్చ కరిరాట్ పాంచాల్యహల్యాధ్రువః || ౧ ||
ప్రహ్లాదాస్తి యదీశ్వరో వద హరిః సర్వత్ర మే దర్శయ
స్తంభే చైవమితి బ్రువంతమసురం తత్రావిరాసీద్ధరిః |
వక్షస్తస్య విదారయన్నిజనఖైర్వాత్సల్యమాపాదయ-
-నార్తత్రాణపరాయణః స భగవాన్నారాయణో మే గతిః || ౨ ||
శ్రీరామోఽత్ర విభీషణోఽయమనఘో రక్షోభయాదాగతః
సుగ్రీవానయ పాలయైనమధునా పౌలస్త్యమేవాగతమ్ |
ఇత్యుక్త్వాఽభయమస్య సర్వవిదితం యో రాఘవో దత్తవాన్
ఆర్తత్రాణపరాయణః స భగవాన్నారాయణో మే గతిః || ౩ ||
నక్రగ్రస్తపదం సముద్ధృతకరం బ్రహ్మాదయో భోః సురా
రక్షంతామితి దీనవాక్యకరిణం దేవేష్వశక్తేషు యః |
మా భైషీరితి తస్య నక్రహననే చక్రాయుధః శ్రీధరో
హ్యార్తత్రాణపరాయణః స భగవాన్నారాయణో మే గతిః || ౪ ||
భో కృష్ణాచ్యుత భో కృపాలయ హరే భో పాండవానాం సఖే
క్వాసి క్వాసి సుయోధనాద్యపహృతాం భో రక్ష మామాతురామ్ |
ఇత్యుక్తోఽక్షయవస్త్రసంభృతతనుర్యోఽపాలయద్ద్రౌపదీం
ఆర్తత్రాణపరాయణః స భగవాన్నారాయణో మే గతిః || ౫ ||
యత్పాదాబ్జనఖోదకం త్రిజగతాం పాపౌఘవిధ్వంసనం
యన్నామామృతపూరకం చ పిబతాం సంసారసంతారకమ్ |
పాషాణోఽపి యదంఘ్రిపద్మరజసా శాపాన్మునేర్మోచితో
హ్యార్తత్రాణపరాయణః స భగవాన్నారాయణో మే గతిః || ౬ ||
పిత్రా భ్రాతరముత్తమాసనగతం హ్యౌత్తానపాదిర్ధ్రువో
దృష్ట్వా తత్సమమారురుక్షురధికం మాత్రాఽవమానం గతః |
యం గత్వా శరణం యదాప తపసా హేమాద్రిసింహాసనం
హ్యార్తత్రాణపరాయణః స భగవాన్నారాయణో మే గతిః || ౭ ||
ఆర్తా విషణ్ణాః శిథిలాశ్చ భీతా
ఘోరేషు చ వ్యాధిషు వర్తమానాః |
సంకీర్త్య నారాయణశబ్దమాత్రం
విముక్తదుఃఖాః సుఖినో భవంతి || ౮
ఇతి శ్రీ కూరేశస్వామి కృత శ్రీ నారాయణాష్టకమ్ |
narayana ashtakam in telugu,narayana ashtakam,narayana stotram,telugu devotional songs,lord vishnu songs in telugu,narayana stotram telugu,ekadasi vratham in telugu,surya ashtakam in telugu,narayana stotram in telugu,#ekadasi upavasam in telugu,sri lakshmi narayana,surya ashtakam in telugu with meaning,sri narayana hrudaya stotram in telugu,narayana ashtakam in sanskrit,narayan ashtakam in hindi,narayana hrudaya stotram in telugu
