Sri Narayana Stotram lyrics in telugu

Sri Narayana Stotram lyrics in telugu

మృగశృంగ ఉవాచ-
నారాయణాయ నళినాయతలోచనాయ
నాథాయ పత్రస్థనాయకవాహనాయ |
నాళీకసద్మరమణీయభుజాంతరాయ
నవ్యాంబుదాభరుచిరాయ నమః పరస్మై || ౧ ||

నమో వాసుదేవాయ లోకానుగ్రహకారిణే |
ధర్మస్య స్థాపనార్థాయ యథేచ్ఛవపుషే నమః || ౨ ||

సృష్టిస్థిత్యనుపసంహారాన్ మనసా కుర్వతే నమః |
సంహృత్య సకలాన్ లోకాన్ శాయినే వటపల్లవే || ౩ ||

సదానందాయ శాంతాయ చిత్స్వరూపాయ విష్ణవే |
స్వేచ్ఛాధీనచరిత్రాయ నిరీశాయేశ్వరాయ చ || ౪ ||

ముక్తిప్రదాయినే సద్యో ముముక్షూణాం మహాత్మనామ్ |
వసతే భక్తచిత్తేషు హృదయే యోగినామపి || ౫ ||

చరాచరమిదం కృత్స్నం తేజసా వ్యాప్య తిష్ఠతే |
విశ్వాధికాయ మహతో మహతేఽణోరణీయసే || ౬ ||

స్తూయమానాయ దాంతాయ వాక్యైరుపనిషద్భవైః |
అపారఘోరసంసారసాగరోత్తారహేతవే || ౭ ||

నమస్తే లోకనాథాయ లోకాతీతాయ తే నమః |
నమః పరమకళ్యాణనిధయే పరమాత్మనే || ౮ ||

అచ్యుతాయాప్రమేయాయ నిర్గుణాయ నమో నమః |
నమః సహస్రశిరసే నమః సతత భాస్వతే || ౯ ||

నమః కమలనేత్రాయ నమోఽనంతాయ విష్ణవే |
నమస్త్రిమూర్తయే ధత్రే నమస్త్రియుగశక్తయే || ౧౦ ||

నమః సమస్తసుహృదే నమః సతతజిష్ణవే |
శంఖచక్రగదాపద్మధారిణే లోకధారిణే || ౧౧ ||

స్ఫురత్కిరీటకేయూరముకుటాంగదధారిణే |
నిర్ద్వంద్వాయ నిరీహాయ నిర్వికారాయ వై నమః || ౧౨ ||

పాహి మాం పుండరీకాక్ష శరణ్య శరణాగతమ్ |
త్వమేవ సర్వభూతానామాశ్రయః పరమా గతిః || ౧౩ ||

త్వయి స్థితం యథా చిత్తం న మే చంచలతాం వ్రజేత్ |
తథా ప్రసీద దేవేశ శరణ్యం త్వాగతోఽస్మ్యహమ్ |
నమస్తుభ్యం నమస్తుభ్యం భూయో భూయో నమో నమః || ౧౪ ||

ఇతి మృగశృంగ కృత నారాయణ స్తోత్రమ్ |

narayana stotram,narayana stotram telugu,lord vishnu songs in telugu,narayana stotram in telugu,telugu narayana stotram,telugu devotional songs,lord vishnu stotram in telugu,lakshmi narayana stotram,stotram,narayana stotram lyrics,narayana hrudaya stotram in telugu,sri narayana hrudaya stotram in telugu,narayana hrudaya stotram in telugu lyrics,narayana hrudaya stotram,sri narayana hrudaya stotram in telugu lyrics,narayana hrudayam namami stotram in telugu